Rovena, është 13-vjeçarja nga Kosova që flet rrjedhshëm shtatë gjuhë të huaja, ndër to edhe japonisht dhe gjuhën koreane.
Ajo sqaron se i janë dashur vetëm 3 muaj për të mësuar gjuhën koreane, ndërkohë që premton se nuk do të ndalet me kaq, por do të vijojë të studiojë dhe gjuhë të tjera.
“Më janë dashur 3 muaj. Gjuha japoneze dhe koreane janë të ndryshme. Më kanë pëlqyer shumë.
Gjuha angleze dhe gjermane e kam komunikuar. Por gjuhën korane dhe japoneze s’kam ku ta komunikoj. Dhe motrave të mia ka filluar që t’ju pëlqejë si gjuhë”.
Ajo bën të ditur se krahas të folurës, ka mësuar edhe t’i shkruajë ato. Rovena shton se di të lexojë dhe arabisht, ndërsa ka filluar të mësojë edhe serbisht dhe kroatisht.
Përveçse një nxënëse e shkëlqyer e gjuhëve të huaja, Rovena nuk ka lënë pas as mësimet në shkollë ku është me rezultate të shkëlqyera.
“Në të ardhmen kam dëshirë të bëhem neurokirurge. Mjekësia më ka pëlqyer që e vogël, por më vonë me biologjinë më ka pëlqyer edhe më shumë”, theksoi Rovena.