Kreu i Partisë së Lirisë, Ilir Meta e ka bërë fakt se kandidatët e dalë nga Primaret do të jenë kandidatë të tij për zgjedhjet e 14 majit. Sipas tij kandidatët e zgjedhur nga ky proces nuk janë më vetëm të Sali Berishës.
“Të jemi të qartë, kandidatët nuk janë të Sali Berishës, por të ‘Primareve’, një proces historik që ka ndodhur për herë të parë në Shqipëri, një proces me shumë kurajë në një shtet që qeveriset nga një klikë mafioze.
Procesi i Primareve ku morën pjesë me dhjetëra mijëra kandidatë në të gjithë vendin ka nxjerrë tashmë super kandidatë që nuk i takojnë më Sali Berishës, por të të gjithë shqiptarëve.
Nuk ka hile dhe poshtërsi që i ndalon super kandidatët që të regjistrohen dhe të jenë fitues. Këtë proces e udhëheqin qytetarët që zgjodhën super kandidatët dhe tani janë këta të fundit që na udhëheqin neve. Unë kudo ku shkoj entuziazmohem nga emrat që kanë dalë nga Primaret. Janë të mrekullueshëm”, tha Ilir Meta.