Një 14-vjeçar ka qëlluar për vdekje me armë zjarri vëllanë e tij. Ngjarja e rëndë ka ndodhur në Mandra të Greqisë.
Para autoriteteve, adoleshenti deklaroi se e vrau gabimisht, me pretendimin se e ngatërroi me një derr të egër.
17-vjeçari u gjet i vdekur nga një bari që kalonte pranë një rruge rurale në Loutsa të Mandrës. Pranë trupit, policia gjeti dy gëzhoja të një pushke gjuetie.
Mediat greke raportojnë se më herët babai i viktimës është denoncuar disa herë për dhunë fizike ndaj tetë fëmijëve.