Përgjatë këtij viti, sipas OBSH-së kanë humbur jetën të paktën 15 mijë njerëz në Kontinentin e Vjetër, për shkaqe të lidhura drejtpërdrejt me nxehtësinë. Vlerësimi ende jo i plotë përfshin 4,500 vdekje në Gjermani, gati 4,000 në Spanjë, mbi 3,200 në Britaninë e Madhe dhe një mijë në Portugali.
Numri i vdekjeve nga temperaturat e larta, “pritet të rritet, pasi disa vende raportuan vdekje të tepërta të lidhura me nxehtësinë”, veçanërisht verën e kaluar”, deklaroi drejtori për shëndetësi i OBSH-së për Evropën, Hans Kluge, në një deklaratë.
Spanja mbajti rekordin e temperaturave të larta në tetor që nga viti 1961. Temperatura mesatare e muajit të kaluar ishte 18 gradë, 3,6 gradë më e lartë se mesatarja e periudhës referuese 1981-2010.