Yllka Derri, 15-vjeçarja që ka tre muaj që rezulton e zhdukur ka mundur të lidhet me familjen e saj. Adoleshentja ka telefonuar të ëmën dhe i ka treguar se është me të dashurin.
Mediat kosovare shkruajnë se Derri i ka treguar nënës së saj se e ka siguruar në mënyrë të fshehtë telefonin dhe se dëshiron të flasë me të atin.
“Thuj babit le t’më thirr në këtë numër, se e kom marr telefonin tinëz…,”- mësohet të ketë thënë Yllka.
Këtë mesazh familja e adoleshentes nga Gjakova e kanë dërguar në Polici. Aktualisht në procedim penal në lidhje me këtë ngjarje është babai i të dashurit të të miturës, 17 vjeçarit Besart Radosta, Blerimi.