Një 15-vjeçare në Ukrainë është kthyer në heroinë duke i shpëtuar jetën 4 personave në zonën e Pospana-s.
BBC raporton se ngjarja ka ndodhur në muajin prill. Sipas raportimeve, 15-vjeçarja Lisa Chernyshenko po udhëtonte me makinë me 4 persona të tjerë teksa përpiqeshin të largoheshin nga zona e Pospana-s. Makina e tyre është sulmuar nga ushtria ruse, ku për pasojë u plagosën 4 persona, shoferi dhe tre pasagjerët.
Në këtë moment, 15-vjeçarja arriti t’i mbijetojë sulmit. Duke qenë se shoferi ishte i plagosur, e mitura mori drejtimin e makinës dhe u largua në “mes” të breshërive të plumbave. Gjatë largimit, në zonën e Bakhmut 15-vjeçarja u plagos në këmbë nga një plumb, por sërish arriti që të largohej.
Pas disa minutash, makina e saj u gjet nga disa ushtarë ukrainas të cilët i ndihmuan të pesë personat. Ata u dërguan në spital ku të gjithë janë shëndoshë e mirë.