Të ardhurat nga vizitorët e huaj në Shqipëri në 9 muajt e parë të këtij viti janë rritur me 158 milion euro krahasuar me vitin e shkuar dhe në 5 vite të ardhurat nga vizitorët e huaj në ekonominë tonë janë rritur 55%.
Të dhënat nga Banka e Shqipërisë u bënë publike nga kryeministri Edi Rama gjatë Asamblesë Kombëtare. Rama u shpreh se “Sipas Bankës së Shqipërisë dhe jo sipas nesh, të ardhurat nga vizitorët e huaj në Shqipëri në 9 muajt e parë të këtij viti janë rritur me 158 milion euro krahasuar me vitin e shkuar dhe në 5 vite të ardhurat e vizitorëve të huaj në ekonominë tonë janë rritur 55% sipas Bankës së Shqipërisë”. Më tej, ai sqaroi se çdo vit e më shumë, shqiptarët udhëtojnë jashtë vendi, çka sipas tij, përkthehet në një gjendje të mirë financiare.
Ne fund kryeministri Rama deklaroi se “Sipas Bankës Shqipërisë, shqiptarët udhëtojnë për vit më shumë dhe patjetër që kjo pasqyron gjendjen e tyre financiare. Në 9 mujorin e parë të 2018, shqiptarët shpenzuan 136 milionë euro më shumë për të udhëtuar jashtë vendit, krahasuar me një vit më parë. Këtu Banka e Shqipërisë llogarit vetëm ata që jetojnë në vendin tonë dhe jo ata që vijnë e ikin”.
Anduena Sefgjini