Një adoleshente iraniane, Armita Geravand, pas një përplasjeje me autoritetet në metronë e Teheranit për një shkelje të ligjit të hixhabit, ka përfunduar në koma prej dhunës barbare.
Zyrtarët e Republikës Islamike mohojnë se ka pasur një takim mes policisë dhe Geravand, duke pretenduar se 16-vjeçares i ra të fikët “për shkak të presionit të ulët të gjakut”.
Lajmi për shtrimin në spital të Geravand filloi të përhapet të dielën kur gazetari iranian me bazë në Londër, Farzad Seifikaran, shkroi në rrjete sociale se adoleshentja dhe miqtë e saj u ndaluan nga policia pasi dyshohet se nuk mbanin hixhab.
Ajo po mbahet në kushte të rrepta sigurie dhe vizitat janë të ndaluara.