Një ditë më parë u zhvillua dhe ndeshja testuese për stadiumin e ri kombëtar, mes vajzave të Vllaznisë dhe Apollonisë. Më 17 nëntor do të zhvillohet dhe ndeshja eliminatore mes Shqipërisë dhe Francës që do të jetë ndeshja e parë zyrtare e luajtur në stadiumin e ri.
Një ditë më parë media rozë shkruante se i ftuar për spektaklin e inaugurimit do të jetë kantautori Ardit Gjebrea i cili për tre këngë do të marrë 180 mijë euro. Lidhur me lajmin ka reaguar vetë Gjebrea.
‘Hajde hajde po ku e gjetët kët mo??? Mos e merrni në qafë pronarin tuaj me thashetheme se edhe e njoh, mund edhe të më telefononte dhe të shkruanit një lajm të saktë, por për fat të keq është një gënjeshtër e madhe nga ato që për fat të keq nuk ndodhin’, shkruan Arditi në Instagram.