20-vjeçari përplas turisten nga Nepali, por të dy përfundojnë tek Trauma. Janë në gjendje të rëndë

Një turiste nga Nepali është përplasur nga një motorr në Berat. Aksidenti i rëndë ka ndodhur në qendër të qytetit, tek Ura e Varur. Ajo po kalonte nga njëra anë e rrugës në tjetrën, e shoqëruar nga disa turistë të tjerë. Përplasja ka qenë aq e fortë saqë turistja dhe drejtuesi i motorit janë përplasur në asfalt,të plagosur rëndë. Ata janë transportuar fillimisht drejt Spitalit Rajonal Berat, ku pasi kanë marrë ndihmën e parë mjekësore, janë transportuar drejt Spitalit të Traumës në gjendje të rëndë.