João Paulo Ruivo është kthyer në “heroin e verës së nxehtë”, pasi u kap nga një fotograf teksa shpëtonte delet nga zjarri në një pyll në fshatin portugez të Boa Vista, pranë qytetit Leiria.
22-vjeçari, fotot e të cilit kanë bërë xhiron e botës, së bashku me nipin e tij, arriti të shpëtonte nga flakët rreth 20 dele dhe 40 dhi.
“Atë ditë doja vetëm të ndihmoja. Të bëhesh i famshëm për shkak të zjarrit, nuk e shoh si diçka të drejtë”, u shpreh ai për gazetën spanjolle “El Pais”.
Temperaturat e larta në të gjithë Evropën kanë shkaktuar qindra vdekje të shkaktuara nga nxehtësia.