Khaby Lame, personi më i ndjekur në TikTok tregoi sa para mund të fitojë ai nga aplikacioni në fjalë për një postim.
22-vjeçari, i cili numëron 149.5 milionë ndjekës, tha për “Fortune” se mund të fitojë deri në 750 mijë dollarë për çdo video në TikTok.
Në një intervistë të fundit, Lame foli shkurtimisht për gjithçka, nga gjërat që e motivojnë deri te ëndrrat e tij për të ardhmen.
“Ëndrra ime është që një ditë të fitoj një Oscar”, tha Lame, i cili më parë ka shprehur interes për t’u bërë aktor.
Ndërkohë, menaxheri i tij Alessandro Riggio i tha se klienti i tij është në rrugën e duhur për të fituar 10 milionë dollarë (8.67 milionë £) këtë vit.