Një djalë i ri, 23 vjeç, i cili vuan nga probleme të shëndetit mendor, është larguar nga banesa e tij dhe nuk është kthyer më, duke humbur kështu kontaktet me familjarët, të cilët po e kërkojnë.
Denoncimi në polici është bërë nga e ëma e të riut, Gj. L., 55 vjeçe, e cila ka kërkuar ndihmën e autoriteteve për gjetjen e djalit të saj.
“Në Komisariatin e Policisë Nr. 3 është paraqitur dhe ka bërë kallëzim shtetasja Gj. L., 55 vjeçe, se është larguar nga banesa dhe nuk është kthyer më, djali i saj, shtetasi R. K., 23 vjeç, i cili vuan nga probleme të shëndetit mendor. Punohet për gjetjen e tij”, thuhet në njoftimin e policisë.