Një ngjarje e rëndë është shënuar në Greqi, me protagonistë dy të rinj shqiptarë.
Të rinjtë përktësisht 26 dhe 28 vjeç, kanë kryer akte të turpshme ndaj një 26-vjeçare kundrejt dëshirës së saj.
Sipas televizionit ANT1, vajza mbante një lidhje me 28-vjeçarin, i cili punon dhe jeton në ishull për vite me rradhë. Disa ditë më parë, ajo ka kërkuar shkeputjen e marrëdhënies me të, siç pretendon 26-vjeçarja, të dielën në mbrëmje, ish-partneri bashkë me një tjetër e dhunuan brenda shtëpisë së saj.
“Unë kërkova të ndaheshim dhe ata më kapën me zor dhe kryen akte të turpshme ndaj meje”, mësohet të ketë thënë e reja greke.
Vajza kishte fryrje në qafë dhe trup, ndërsa dy të arrestuarit u dërguan në Prokurorinë Publike të Naxos të hënën pasdite.