Jordan Bardella kryeson partinë e ekstremit të djathtë, Rassemblement National (RN), në Francë. Bardella është i njohur për prejardhjen e tij modeste nga Seine-Saint-Denis, një lagje e Parisit, ku ai u rrit vetëm nga nëna e tij. Por edhe mosha, sepse është vetëm 28-vjeç.
Kjo e dallon atë nga shumica e politikanëve francezë, të cilët zakonisht vijnë nga familje të pasura dhe me impakt, ndërsa Bardella prejardhjen e tij nga një familje e thjeshtë e ka shfrytëzuar për të tërhequr edhe votuesit e rinj dhe ata të klasës punëtore.
I riu njihet për mbështetjen që ka nga të rinjtë, ai është një figurë karizmatike, i cili ka 1.2 milionë ndjekës në TikTok, dhe po rezulton të jetë një aset i madh në tërheqjen e një turme gjithnjë e më të re për të votuar për partinë, një grup që Marine Le Pen, deutetja e Asamblesë Kombëtare Franceze ka pasur vështirësi për ta fituar.
Pavarësisht kritikave dhe polemikave, Bardella mbetet një figurë me ndikim dhe tërheqës për një pjesë të madhe të votuesve francezë, duke përfaqësuar një brez të ri të udhëheqjes në partinë e ekstremit të djathtë në Francë, e cila vazhdon të sfidojë establishmentin politik të vendit.