Tre kilogramë kokainë kanë sekuestruar autoritetet italiane gjatë një operacioni blic në Reggio Emilia duke vënë në pranga një 28-vjeçar shqiptar.
Elton Barameta jetonte prej një muaji në Piacenza të Italisë dhe gjatë kontrollit policia gjeti sasinë e drogës të fshehur në një sirtar të sajuar në kroskotin e makinës. Kokaina e pastër gati për tu ndarë në pjesë, me një vlerë që kalon 250 mijë euro, sipas policisë ishte e destinuar për tregun vendas në Emilia dhe Lodi, Cremona e Mantova.
Barametës iu gjetën gjithashtu edhe 30 mijë euro kesh që sipas policisë vijnë nga aktiviteti i tij i shpërndarjes së drogës.
“Nuk shiste vetë, por furnizonte shpërndarësit e drgoës”, thotë shefi i kuestures së Piacenza.