30 minuta mbyllet votimi zyrtar, pjesëmarrja është 40.90%

Kur kanë mbetur edhe 30 minuta nga orari zyrtar për votim, bëhet me dije se deri në orën 18:00, kanë marrë pjesë në zgjedhje 40.9 përqind e qytetarëve. Pjesëmarrja më e lartë është shënuar në qarkun e Dibrës, me 50.47 përqind të shtetasve me të drejtë vote, që kanë votuar. Kukësi gjithashtu ka përqindje të lartë të votuesve, teksa kanë hedhur votën 47.26 përqind e qytetarëve. Edhe Tirana ka një përqindje të lartë të votuesve, me 45.26 përqind. Qarku me pjesëmarrjen më të ulët në votime është Vlora, me 30.65 përqind.