Kalimet mes përmes rrugës si në këto raste janë shkak i gati 20% të aksidenteve të ndodhura në vend. Nisur nga shkeljet në rritje, policia ka nisur ndëshkimin e qytetarëve prej 1 Janarit.
Në një muaj, Policia e Tiranës ka gjobitur rreth 300 qytetarë.
Gjoba është në vlerën e 1 mijë lëkëve të rinj. Policia thotë se në shumicën e rasteve është paguar në moment.
Megjithatë ka edhe raste kur qytetari e ka të pamundur pagesën në moment.
Shkeljet më të shumta nga këmbësorët vërehen tek segmenti që lidh Rrugën e Elbasanit me rrethin e Sanatoriumit, Bulevardi Zhan Dark, Bulevardi Gjergj Fishta, Bulevardi Bajram Curri, Rruga Dritan Hoxha, si dhe Rruga e Kavajës.
Në të gjithë Shqipërinë vitin e kaluar rezulton se janë gjobitur rreth 459 qytetarë. Tirana, Durrësi dhe Fieri janë qytetet më problematike.