Agjencia e Administrimit të Pasurive të Sekuestruara dhe të Konfiskuara ka publikuar për herë të parë pasuritë e sekuestruara. Kjo me synimin për të rritur transparencën dhe efektivitetin e administrimit të këtyre pasurive.
Në një katalog me 615 faqe pronat janë publikuar me pamje në të cilat jepen edhe të dhëna për çdo objekt. Libri përfshin gjithë territorin e vendit, dhe janë afro 300 prona të sekuestruara. Përfshihen vilat luksoze, apartamentet, garazhet, toka bujqësore, biznese të ndryshme e deri tek automjetet.
Duke nisur nga Tirana në sy bien prona të sekuestruara të dhëndrit të Berishës, Jamarbër Malltezi. Apartamente, biznese, lokale palestra e deri tek bodrumet dhe garazhet. Kjo është një ndër vilat luksoze e pozicionuar në Gjirin e Lalzit anës plazhit, me sipërfaqe 187 metra katrorë.
Pronat e ish-bashkëshortes së Ilir Metës, Monika Kryemadhit. Në zonën e Kodrës së Diellit, 2 katëshe me vlerë 51.7 milionë lekë. Në të cilën dallohen dhomat e mirëmodeluara së bashku me verandën.
Në katalog rezultojnë të sekuestruara edhe pronat e Ervis Martinajt, bosit të lojërave të fatit. Në Kurbin, prona në Surrel vilë 2 katëshe e rrethuar me kënd lojrash, por edhe në jug të vendit. /TCH/