Një urim në 32-vjetorin e themelimit të PD-së për demokratët e ka dhënë edhe ish-kreu i tyre, Lulzim Basha. Në mesazhin e tij, Basha thekson se PD u themelua si shpresë për ndryshim, dhe se sërish do të jetë shpresë për shqiparët.
“Partia Demokratike ka lindur e re dhe do të mbetet e re, ka lindur europiane dhe do të mbetet europiane, ka lindur kombëtare dhe do të mbetet kombëtare, ka lindur mes sakrificash, e mbi sakrificat do të ngrihet më e fortë, ka lindur si shpresë e shqiptarëve për ndryshim dhe do të jetë sërish shpresa e tyre, ka lindur e madhe dhe do të bëhet edhe më e madhe, për Shqipërinë, për demokracinë. Gëzuar 32 vjetorin e themelimit të Partisë Demokratike! Zoti i bekoftë shqiptarët dhe Shqipërinë!”,-shkruan Basha.