Mëngjesi i sotëm nisi me pamje tronditëse për familjen e 34-vjeçarit Indrit Ndoj. Familjarët e tij e gjetën rastësisht në një kanal anës rrugës teksa ishin duke shkuar për në punë.
Indriti dhe familja e tij nuk raportohet të kenë konflikte me njeri. Vrasja dyshohet të ketë ndodhur gjatë natës, pasi i riu banonte në një shtëpi në fshatin Hasan i vetëm ndërsa familja në një banesë në lagjen Bakushe Visha. Sipas Policisë, viktima ka një plagë më këmbë.
Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.
Mësohet se në vitin 2021, Ndoj së bashku me një person tjetër u arrestuan pasi tentuan të transportonin emigrantë të paligjshëm drejt Kosovës.