Një 30-vjeçare ka ndërruar jetë në Maternitetin e ri “Koço Gliozheni” pas lindjes. E ndjera ka lindur në mënyrë natyrale të shtunën, një foshnjë rreth 5 kg. Pas lindjes 30-vjeçarja ka qenë në gjendje të mirë shëndetësore dhe ka qëndruar në spital për 24 orë. Më pas ka dalë me dëshirën e saj dhe ka ikur në shtëpi.
Pasi ka qëndruar një ditë në shtëpi, ka shfaqur probleme debulese dhe dje pasdite ka shkuar sërish në maternitet, ku edhe është reanimuar, por pavarësisht ndihmës se bluzave të bardha, ditën e sotme ka humbur jetën.
Mësohet se e reja nuk ka pasur hemorragji dhe as probleme gjatë lindje. Pritet ekspertiza mjeko-ligjore për të konfirmuar shkakun.