Teksa militantët e Hamasit sulmuan papritur mëngjesin e të shtunës rajonet jugore izraelite, bilanci i viktimave vjen gjithnjë në rritje. Deri tani janë raportuar 40 të vrarë dhe rreth 800 të plagosur.
Mediet izraelite kanë publikuar shifrat referuar njoftimeve zyrtare të Policisë së Izraelit.
Izraeli ka njoftuar se do të duhen pak orë për të rimarrë pikat kyçe të pushtuara nga palestinezët, ku do të sigurohet rendi dhe siguria.
Kryeministri izraelit, Benjamin Netanyahu ka deklaruar se vendi që drejton tashmë është në luftë ndërsa presidenti i Palestinës, Mahmoud Abbas pohoi se populli palestinez ka të drejtën legjitime që të mbrohet.