Kryetari i PD-së, Sali Berisha këtë të premte mori pjesë në një ekspozitë kushtuar poetëve Vilson Blloshmi dhe Genc Leka, në kuadër të 45-vjetorit të pushkatimit të tyre. Ekspozita mbahet po zhvillohet në godinën e ish-të përndjekurve politikë, përballë Parlamentit dhe i kushtohet jetës dhe veprës së tyre.
“Të shpreh nderimin më të thellë për sakrificën dhe veprën e pavdekshme të dy poetëve të ri, vëllezër siamezë në idealet e tyre të lirisë, gjeni në krijimet e tyre letrare. Genc leka dhe Vilson Blloshmi kanë lënë një trashëgimi do të thosha nga më të shkëlqyerat në letërsinë tonë, në poezinë tonë si në rrafshin artistik ashtu edhe në domethënien e kohës në të cilën janë shkruajtur.
Askush deri më sot nuk ka paraqitur Shqipërinë e diktaturës siç ka vërë Vilson Blloshmi tek saharaja e tij. Janë një tufë krijimesh jovuliminoze por janë në kuptimin më të vërtetë të fjalës, diamante në letrat tona, poezitë e tyre mund ti krahasosh me krijimet më të bukura në letërsinë tonë, përveçse ato kanë brenda kurajën guximin e dy të rinjve që i thonë në sy diktaturës se çfarë ishte ajo.
Dua të shpreh nderimin për Bedri Blloshmin, pa punën e madh të tij nuk do kishim këto vepra, nuk do të ishim sot këtu në ekspozitë e cila paraqet me dokumente të gjithë sagën, kalvarin që përjetuan këto dy poetë të akuzuar se kishin sabotuar ekonominë bujqësore të fshatit për të cilën u ekzekutuan. Dua të shpreh nderimin më të madh për jetën dhe veprat e këtyre dy poetëve”, tha Berisha.