Këngëtarja e njohur Enca, nuk do të shkojë në burg për 5 vazot me kanabis, edhe pse prokuroria kërkoi masën e sigurisë “arrest me burg”. Në seancën e sotme, Gjykata e Tiranës i ka dhënë masën e sigurisë, “detyrim paraqitje”.
Ajo u arrestua dy ditë më parë, pasi në banesën e saj u gjet kanabis. Këngëtarja u arrestua pasi u akuzua se kultivoi bimë kanabis në ballkonin e banesës së saj në Tiranë.
Gjatë kontrollit në banesën e 27-vjeçares, në ballkon, shërbimet e Policisë gjetën dhe sekuestruan bimë të dyshuara narkotike kanabis, të kultivuara në vazo.