Kryetari i partisë së Lirisë, Ilir Meta ka përkujtuar ish-presidentin e ndjerë, Bujar Nishanin me rastin e 56-vjetorit të lindjes. Teksa shkruan se mungesa e tij ka lënë një boshkëll tek të gjithë, nënvizon se ish-presidentin do ta kujtojmë gjithmonë për patriotizmin, integritetin, urtësinë dhe mençurinë.
“Sot më 29 Shtator, përkujtojmë ditën e lindjes së Presidentit Bujar Nishani. Do të donim shumë që këtë 56-vjetor të lindjes ta festonim së bashku me Presidentin, mungesa e të cilit ka lënë një boshllëk të madh tek familjarët, të afërmit, miqtë, shokët dhe bashkëpunëtorët.
Presidentin Nishani do ta kujtojmë gjithmonë për patriotizmin, integritetin, urtësinë dhe mençurinë, vlera të cilat ai i shfaqi çdo ditë në detyrën e Kryetarit të Shtetit, por edhe në çdo detyrë tjetër dhe angazhim politik”,-shkruan Meta në facebook.