Administrata Publike, Arsimi, Shëndetësia, Tregtia, Transporti dhe Akomodimi kanë patur një kontribut pozitiv në Produktin e Brendshëm Bruto përgjatë 6-mujorit të parë të këtij viti sipas të dhënave zyrtare të INSTAT.
Ky indikator ekonomik në terma realë për gjysmën e pare të 2025 ka një rritje mesatare prej rreth 3.45%, ku në periudhën Janar-Mars rezultoi +3.39% kundrejt të njëjtës periudhë të vitit 2024, ndërsa në vlerën +3.51% në muajt prill-maj-qershor kundrejt të njëjtës periudhë të 2024.
Të ndarë sipas sektorëve në kontributin pozitiv të Produktit të Brendshëm Bruto në 6-mujorin e parë të vitit 2025 Administrata publike, Arsimi dhe Shëndetësia rezultuan me një mesatare prej +1.95%, ndjekur nga Tregtia, Transporti, Akomodimi dhe Shërbimi ushqimor me +0.40 pikë përqindje dhe me +0.23% sektori i Ndërtimit. Ndërsa sektorët e tjerë si Aktivitete Profesionale, Argëtim dhe Aktivitete Financiare dhe Sigurim me një përqindje më të ulët referuar shifrave zyrtare të INSTAT.
Nga ana tjetër referuar të dhënave të INSTAT për PBB-në krahasuar me vitin 2024, sektorë si bujqësia dhe industria kanë shënuar një rënie.