Të paktën gjashtë persona thuhet se janë qëlluar për vdekje me armë zjarri në zonën Luca në lindje të Athinës. Sipas mediave fqinje, dyshohet se viktimat janë shtetas shqiptarë.
Raportohet se 5 prej viktimave ndodheshin brenda një automjeti, ndërsa njëri u gjet jashtë makinës, e cila thuhet se kishte targa gjermane.
Sipas informacioneve të para, bëhet fjalë për larje hesapesh midis grupeve rivale.
Policia ka shkuar me urgjencë në vendngjarje, ndërsa pritet njoftim zyrtar.