Një krim i dyfishtë ka tronditur qytetin e Budvës këtë të shtunë, ku humbën jetën babai dhe djali i tij.
Sipas mediave lokale, ngjarjes së rëndë i ka paraprirë një mosmarrëveshje familjare shumëvjeçare, ndërsa shkaku i menjëhershëm duket se ka qenë një debat për transportin e turistëve me anije, aktivitet me të cilin viktimat dhe i dyshuari ishin marrë për vite me radhë.
Mëngjesin e sotëm, ai është paraqitur pranë një stende ku ndodheshin vëllai dhe dy kushërinjtë e tij.
Dyshohet se ai ka nxjerrë armën, ka qëlluar për vdekje vëllain dhe më pas një nga djemtë e tij. Djali tjetër arriti të largohej dhe shpëtoi.
Pas krimit, i dyshuari është ulur në një kafene pranë vendngjarjes dhe ka pritur policinë, e cila e arrestoi menjëherë.
Për vrasjen dyshohet S.S. (65), xhaxhai dhe vëllai i viktimave, i cili u arrestua pak pas marrjes së njoftimit nga policia për të shtëna me armë zjarri.