Shprehja “dhe ata jetuan të lumtur përgjithmonë”, ka ndryshuar me kalimin e kohës. E kjo sidomos për personazhet e famshme. Disa prej tyre janë ndarë pa i bërë 3 ditë martesë, të tjerë në dy javë e të tjerë në disa muaj. Ja disa prej çifteve të personazheve të famshme që për martesën janë penduar shumë shpejt.
- Britney Spears dhe Jason Alexander: 55 orë
Në orët e para të 3 janarit 2004, miqtë e fëmijërisë thane “Po” në Las Vegas. Vetëm 55 orë më vonë, ata e anuluan dasmën. Tetorin e ardhshëm u martua sërish me Kevin Federline për tu divorcuar dy vjet më vonë. Një gjë është e sigurt, me martesën e fundit, nuk e thyen rekordin e parë, sepse kanë kaluar më shumë se 55 orë.
- Nicolas Cage dhe Erika Koike: 4 ditë
Para se bota të merrte vesh se Cage dhe Erika ishin të lidhur, ata u martuan dhe u ndanë. Katër ditë pas martesës supersekrete në Las Vegas në vitin 2019, ata u panë duke debatuar dhe Cage kërkoi anulimin e martesës.
- Tracey Edmonds dhe Eddie Murphy: 14 ditë
Në ditën e Vitit të Ri 2008, Edmonds dhe Murphy u martuan në një ceremoni private në një ishull privat dhe vetëm dy javë më vonë, u ndanë.
- Mario Lopez dhe Ali Landry: 18 ditë
Pas lidhjes 6-vjeçare, çifti u martuan në Meksikë në vitin 2004, për tu divorcuar vetëm 2 javë më vonë. Vite më vonë, Landry konfirmoi se ndarja kishte ardhur për shkak se Mario e kishte tradhëtuar në mbrëmjen e tij të beqarisë. Më vonë dhe ai e vetë e pranoi këtë gjë.
- Jeremy Thomas dhe Drew Barrymore: 39 ditë
Në mars të vitit 1994, kur Drew ishte vetëm 19 vjeçe, ajo i tha “Po” 31-vjeçarit vetëm 6 javë pasi e kishte takuar. Ata u ndanë pas 1 muaji.
- Kris Humphries dhe Kim Kardashian: 72 ditë
Ishte njoftimi pothuajse i menjëhershëm i divorcit që u dëgjua në mbarë botën. Pikërisht 72 ditë pas martesës së bujshme të çiftit në vitin 2011, ata u ndanë.
- Nicolas Cage dhe Lisa Marie Presley: 107 ditë
Nikolas Cage sërish në listë, por kjo 17 vjet para martesës së parë. Këtë herë me 107 ditë. Ai dhe vajza e vetme e Elvis Presley-it u martuan në gusht të vitit 2002 dhe në nëntor paraqitën kërkesën për divorc. Procesi i këtij të fundit zgjati më shumë se vetë martesa.