Popullsia e botës sipas një vlerësimi zyrtar të OKB-së, ka tejkaluar 8 miliardë banorë. Kombet e Bashkuara e quajnë këtë gjë një moment historik të rëndësishëm në zhvillimin njerëzor dhe një kujtesë, në kulmin e samitit COP27, të përgjegjësisë sonë të përbashkët për t’u kujdesur për planetin tonë.
Natalia Kanem, drejtoreshë e Fondit të Popullsisë së OKB-së u bëri thirrje vendeve të mos futen në panik, por në vend të kësaj të përqendrohen në ndihmën e grave, fëmijëve dhe njerëzve që janë më të rrezikuar nga ndryshimet demografike.
Po ashtu ajo paralajmëroi se nëse qeveritë përqendrohen vetëm te numrat, rrezikojnë të vendosnin kontrolle të popullsisë për të cilat historia ka treguar se janë të paefektshme dhe të rrezikshme.