Është festuar në mënyrë dinjitoze 80-vjetori i Çlirimit të Shqipërisë nga Organizata e Veteranëve Mat, Bashkia Mat dhe Organizata e Dëshmorëve Mat.
Qindra qytetarë matjanë nderuan të rënët për liri. Kryetarët e bashkive, Agron Malaj e Valbona Kola, Nënprefekti Hasan Pasha, kryetari i organizatës së veteranëve Sefer Duka, kryetarja e organizatës së familjeve të dëshmorëve Shpresa Gjestila, ushtarakë, drejtues të Policisë së Shtetit vendosën kurora dhe buçeta me lule pranë obeliskut në varrezat e dëshmorëve Mat.
Gjatë një takimi solemn u përmendën nga historiani Sefer Duke përpjekjet, sakrificat, gjaku i derdhur nga matjanët në luftën nacionalçlirimtare.
Kryebashkiaku i Matit, Agron Malaj shpërndau disa çertifikata Mirënjohje për ish partizanë dhe kontribues për çlirimin e vendit. Edhe organizata e veteranëve të LANC Mat vlerësoi disa prej antarëve të saj për përkushtimin e treguar.
Çertifikatë Mirënjohje ju akorduar Mjeshtrit të Madh, Qytetarit të Nderit, Sali Kurti, për bujarinë e treguar në drejtim të simboleve të luftës.
