Emigrantë të paligjshëm duan të kalojnë edhe në Shqipëri, dhe më pas të ikin drejt vende të BE-së. Amarido Pekmezi është arrestuar nga policia e Gjirokastrës, pasi me një mjet tip furgon, 24-vjeçari ishte duke transportuar 9 emigrantë të paligjshëm, me qëllim që t’i siguronte kalimin e pa rregullt të kufirit.
Teksa i riu ishte duke lëvizur në aksin rrugor Gjirokastër-Tepelenë, atij iu bë shenjë nga efektivët që të ndalonte pasi kishin dyshime se po transportonte emigrantë të paligjshëm. 24-vjeçari nuk i është bindur urdhrit për të ndaluar dhe është larguar me shpejtësi, duke vënë në rrezik jetën e punonjësve të policisë.
Pas ndjekjes, 24-vjeçari u kap në vendin e quajtur “Gërhot”, duke drejtuar automjetin tip furgon, me të cilin po transportonte nga Saranda në drejtim të Tiranës, 9 emigrantë nga vendet MENA, kundrejt shumës 200 euro për person.