90 vjet më parë, kur shqiptarët nisën sportin “borgjez” të skive

Të shkosh për ski në kulmin e të ftohtit të dimrit, duket të jetë trendi më i ri i elitës ekonomike shqiptare. Por edhe i të rinjve dhe të apasionuarve të tjerë pas sporteve dimërore apo atyre ekstreme.
Nisur nga kjo, duket sikur skitë janë një nga hobet më të reja të kohës sonë, e ndikuar edhe nga mënyra e jetesës së elitës botërore, që duket e dhënë pas skive në dimër, sa edhe pas detit e pishinave në verë.
Por, faktet tregojnë se shqiptarët kanë filluar që ta ushtrojnë skinë për qejfin e vet, diku në vitin 1928. Kjo foto interesante, e publikuar nga Profesori i gazetarisë në Universitetin “Adger” të Kristiansand, Kenneth Andresen, tregon se në mënyrë të organizuar, profesionale dhe si sport, është ushtruar të paktën që nga viti 1938.
Ajo besohet se është shkrepur në afërsi të Brezovicës, ku sot ndodhet një nga destinacionet ku shqiptarët shkojnë për të shijuar borën dhe ushtruar skitë.