Lëvizja Vetëvendosje po prin me 40.80 për qind apo 338,541 vota të fituara në zgjedhjet e 9 shkurtit. Partia e dytë është Partia Demokratike e Kosovës me 22.16 për qind apo 183.925 vota, pasuar nga Lidhja Demokratike e Kosovës me 17.59 për qind apo 145.995 vota të fituara.
Koalicioni Aleanca për Ardhmërinë e Kosovës, Nisma, Konservatorët dhe Intelektualët kanë fituar 7.46 për qind apo 61.866 vota. Ndërkaq, Lista Serbe, partia e serbëve të Kosovës që gëzon mbështetjen e Beogradit zyrtar ka fituar 4.42 për qind apo 36.683 vota.
Ky rezultat preliminar i publikuar nga Komisioni Qendror i Zgjedhjeve bazohet në numërimin e 98.97 për qind të vendvotimeve. Në këtë numërim nuk përfshihen votat me kusht, të personave me nevoja të veçanta dhe votat nga jashtë vendi, të cilat do të numërohen më vonë.
