Ngjarja e bujshme me çiftin zviceran nuk e ka penguar aspak Loredanën në karrierën e saj.
Pavarësisht proceseve gjyqësorë, ajo ka punuar fuqishëm që të jetë pranë fansave të saj me projekte të reja muzikore.
Në fillim të muajit qershor këngëtarja publikoi projektin e saj të fundit, “Labyrinth” , i cila u prit mjaft mirë nga publiku.
Megjithatë teksa po shijon sukseset e këngës që publikoi 1 muaj më parë, Loredana është duke u përgatitur edhe për një projekt të ri muzikor, sërish në gjuhën gjermane.
Lajmin e ka bërë të ditur vetë ajo nëpërmjet një postimi në Instagram. Loredana ka shkëputur një foto nga klipi i këngës dhe premton se ajo do të jetë superhit.
Këngëtarja ka zbuluar se projekti do të publikohet këtë të enjte dhe ai mban titullin “Jetzt rufst du an”.
“Jetzt rufst du an”, është kënga ime e dytë që do të publikohet ditën e enjte në orën 23:59. Ps: është kënga e preferuar e Mozzik”,- shkruan Loredana.