Lulzim Basha i është rikthyer sërish leximit të raportit të OSBE- ODIHR-it për zgjedhjet lokale që u mbajtën në Shqipëri në 61 bashki ditën e diel.
Basha ripërsërit se raporti rrëzoi 30 Qershorin dhe shprehet se Shqipërinë mund ta shpëtojë nga autokracia vetëm një ndryshim i thellë.
“Edhe pse shumë i kujdesshëm për të mos e acaruar klimën politike, raporti i ODIHR-it i rrëzoi votimet e 30 qershorit.
Jo vetëm zgjedhje të paligjshme, jo vetëm zgjedhje një partiake, por edhe zgjedhje te vetë-vjedhura.
Edi Rama kandidoi vetë, votoi vetë, numëroi vetë, dhe prapë manipuloi.Ky regjim është tashmë i degraduar plotësisht.
Vetëm një ndryshim i thellë i strukturës politike, kushtetuese dhe ekonomike të vendit mund të na shpëtojë nga autokracia, krimi, varfëria dhe prapambetja” shkruan Basha.