Pas përfundimit të zgjedhjeve më 30 qershor kandidati për kryetar Bashkie i Këlcyrës, Hazbi Kasaj është rikthyer në qendër të vëmendjen edhe pse humbi thellë.
I njohur për shkak të “mallkimeve”, Hazbi këtë herë ka një mallkim për ata qytetarë që nuk e votuan.
“Kjo farë e keqe mos u shtoftë më në qytetin e Këlcyrës, pasi këtu janë më tepër budallenj sesa të mençur”- mallkon Hazbiu ata që nuk e votuan.
Ka perfunduar procesi i numërimit të votave në Këlcyrë, sa vota keni fituar?
Kasaj: 100-110 vota, nuk e di
Po kandidati tjetër që ishte në garë?
Kasaj: 280 më thanë.
Dmth renditesh i 3-ti? E prisje këtë rezultat?
Jo gjallë në botë sepse mendova se njerëzit ishin kulturuar, ishin ndërgjegjësuar me një program fantastik, por nuk duan. Duan persona pa program, duan të rrinë si të duan dhe janë në rregull.
Dmth t’i po thumbon edhe kryetarin aktual këtu?
Kasaj: Jo spo e thumboj, kjo është një sëmundje akoma PD-PS dhe që s’ka në plan të përfundojë. Është edhe një barrë për të gjithë mediat të ndërgjegjësojnë vendin, pasi nuk është partia ajo që zhvillon vendin…
Je i zhgënjyer?
Kasaj: Po, patjetër.
Do të provosh sërish të kandidosh?
Kasaj: Po, po edhe një herë.
Çfarë të kanë thënë, a ke pasur telefonata?
Kasaj: Po më shumë nga jashtë, nga Gjirokastra, Fieri, Tepelena, Saranda, nga Vlora. Ka patur shumë telefonata që pyesnin: A fitove?
I zhgënjeve?
Kasaj: Jo si kam zgjënyer, votuesit i zgënjyën. Më zhgënjyen mua, zhgënjyen edhe ata të tjerët.
Cili është mallkimi për këta votues?
Kasaj: Për momentin nuk do ta jap. Mua më kanë ftuar edhe disa media të tjera. Mundohem të shkojë në media për tu treguar të vërtetën.
Së shpejti do të kemi zgjedhje në 13 tetor dhe do të kandidoj sërish. Ne jemi akoma në avantazh meqënse pala tjetër do hyjë në zgjedhje sërish më 13 tetor.
Do të kandidosh sërish? Po t’i bie ndesh me fjalët e tua sepse ti ke thënë që zgjedhjet janë në 30 Qershor?
Kasaj: Po jo….
Hazbi, cili është mallkimi që ke për të gjithë banorët që s’të kanë votuar ty?
Kasaj: Mallkimi im është që, kjo farë e keqe mos u shtoftë më në qytetin e Këlcyrës pasi janë më shumë budallënj dhe më pak të mençur.