Një makinë ka shpëtuar për mrekulli pa rënë në Liqenin e Shkopetit. Mjeti tip Tuareg ka rrëshiqur për shkak të dëborës dhe akullit në rrugën nacionale Burrel-Milot, në afërsi të Shkopetit. Vetëm pak centimetra e ndajnë mjetin nga rënia në greminë. Fatmirësisht drejtuesi i mjetit nuk ka pësuar lëndime.
Policia rrugore ka mbërritur në vendin e ngjarjes. Ajo fillimisht i ka ardhur në ndihmë poseduesit dhe pastaj ka mundësuar lëvizjen e makinës nga buzëgremina.
Pikërisht në këtë vend edhe në mot të mirë kanë ndodhur aksidente me pasoja fatale.