Nuk do të jenë vetëm 280 shkolla të mbyllura të enjten. Drejtoritë e shkollave të qarkut Dibër kanë njoftuar sonte në mbrëmje nxënësit, mësuesit dhe prindërit se nesër për shkak të motit të keq nuk do të zhvillojnë mësim. Gati të gjitha drejtoritë e shkollave kanë shfrytëzuar rrjetet sociale për të njoftuar nxënësit që ato të mos udhëtojnë drejt shkollave 9 vjecare apo të mesme, pasi reshjet e dëborës nuk mundësojnë zhvillimin normal të mësimit.
Në shumë shkolla të Dibrës, Bulqizës e Matit nxënësit ushëtojnë gjatë për të frekuentuar shkollën, ndërkohë që ka ankesa të shumta në lidhje me sigurimin e ngrohjes nga bashkitë. Fillimisht u tha se mësimi do të ndërpritej vetëm në zonat malore, ndërkohë në orët e vona u njoftua ndërprerja e mësimit edhe në shkollat e qyteteve Peshkopi, Klos, Bulqizë, Burrel, Maqellarë, Komsi, Krastë, Shupenzë, etj.