Kryetarja e LSI-së Monika Kryemadhin ka komentuar konferencën e presidentit Ilir Meta, njëherazi dhe bashkëshorti i saj dhe gjuhën e përdorur nga ai.
Kryemadhi u shpreh se nuk ishte në djeni të konfeërencës sepse ishte në spital.
Sipas Kryemadhit, të gjithë ata që njohin Metën e kuptojnë nga gjuha e përdorur se ka diçka gabim tek ata që i drejtohet.
‘Nuk e dija për konferencën pasi kisha kontrollin e pas operacionit dhe e dëgjoja përmes telefonit, herë më ngriheshin flokët përpjetë, ku qeshja e inatosesha. Nuk e dija, por nuk e prisja në aspektin e artikulimit në atë lloj gjuhe, që mua më pëlqen, por që të flasë Ilir Meta me atë gjuhë për aq sa e njoh unë do të thotë se i ke rënë në qafë më shumë sec duhet. Artikulimi me atë gjuhë me atë ritëm dhe me atë intonacion do të thotë që ke bërë diçka shumë të madhe gabim, apo kur të ka dhënë të gjitha mundësitë dhe nuk e ke shfrytëzuar, s’ka kthim pas. Është fjalimi i një Ilir Metës, që ka gjithë argumentet për të të shkatërruar. E di shumë mirë cdo të thotë kur është Ilir Meta në vështirësi. Me Ilir Metën kemi qënë gjithnjë bashkë në politikë, nuk kemi ndarë pushtetin bashkë. Edhe kur ka qenë kryeministër i jam vendosur përballë, për t’i pastruar ekranin. Sepse me njerëzit e pushtetit, izolohesh sic ështe izoluar sot Edi Rama’, tha Kryemadhi.