Kompania britanike Lister Cars vitin e kaluar ka zbuluar modelin LTF-666 (Jaguar F-Type Coupe i modifikuar), ndërsa tani prezanton versionin kabrio të këtij modeli i cili quhet LFT-C.
Edhe Lister LFT-C ka motor 5.0-litër V8 me kapacitet prej 666 kuajfuqi, gjë që është e mjaftueshme që shpejtësinë nga 0 deri në 100 kilometra në orë ta arrijë për pak mbi 3 sekonda dhe atë maksimale deri në 330 km/h.
LFT-C për dallim nga F-Type standard karakterizohet me eksterier agresiv, rrotat e reja, sistemin më të fortë të frenimit, amortizatorët e modifikuar, sistemin e ri sportiv të shkarkimit të gazrave, si dhe interier luksoz me ulëset e veshur me lëkurë Nappa.
Gjithashtu, Lister Cars njofton se LFT-C do të ofrohet në seri të kufizuar prej vetëm 10 kopjeve, me çmim prej 139.000 funte për secilin.