Ish deputetja e LSI-së Nora Malaj, përmes një statusi në Facebook thotë se prania e shumë shqiptarëve në protestë do të tregojë se Shqipëria nuk do të kthehet kurrë më në një Parti- shtet.
Duke përmendur protestën e shqiptarëve të SHBA-së në Vvashington DC, Malaj përmend dhe shprehjen e famshme të Kenedit: “Nuk ka rëndësi çfarë bënë vendi yt për ty, por ka rëndësi çfarë bënë ti për vendin tënd!”.
STATUSI I NORA MALAJT
Faleminderit shqiptarëve të Amerikës!
“Nuk ka rëndësi çfarë bënë vendi yt për ty, por ka rëndësi çfarë bënë ti për vendin tënd!”
Kjo ishte motoja e shqiptarëve që jetojnë në Amerikë , të cilët me anë të peticionit të tyre, i luten Presidentit të ShBA , Donalt Trampit, që të drejtoj sytë nga ky vend mik i përhershëm i Amerikës , për të mos lejuar që të instalohet një autokraci e korruptuar!
Faleminderi ju vellezer e motra që keni frymën e lirisë. Teksas shihja tubimin tuaj mu kujtua poezia e të madhit Noli ,
Jepni për Nënën !
“Jepni, Nënën të shpëtoni,
Komb e vatra të nderoni.
Mbahu, Nëno, mos kij frikë
Se ke djemtë n’Amerikë. “
Sonte, qindra , mijëra shqiptarë do të jenë bashkë në shesh në cdo pjesë të globit ,për të treguar se Shqipëria nuk do të kthehet kurrë më në një Parti- shtet. Pasi demokracia është themeli i lirisë dhe të drejtave të njeriut!
