Orët e para të mëngjesit të sotëm kanë nisur me festë për këngëtaren Samanta Karavellla. Ajo feston përvjetorin e 29-të të lindjes dhe nga videot që ka publikuar duket qartë se është argëtuar shumë. Miqtë e saj më të mirë dhe persona të tjerë të afërt, kanë zgjedhur një vend privat dhe e kanë zbukuruar me të gjitha detajet e festës. Kur ka shënuar ora 00:00, këngëtarja ka fryrë qirinjtë dhe është shfaqur shumë e lumtur për të surprizat që ka marrë.
Urimet për bukuroshen e ekranit kanë qenë të shumta, por padyshim më i veçanti ka qenë nga motra e saj, e cila ka publikuar një video nga koha kur Samanta ka qenë një foshnje. Dita sapo ka nisur dhe me siguri, surprizat për këngëtaren do të vazhdojnë.
