Tre persona kanë rënë në prangat e policisë së Kamzës pasi disa ditë më parë kanë kundërshtuar me dhunë policinë.
Në pranga kanë rënë E. K., 24 vjeç, F. T., 23 vjeç, A. H., 29 vjeç, të tre banues në Kamëz. Këta persona ishin shpallur në kërkim nga policia pasi me datë 05.07.2019, rreth orës 01.30 të mëngjesit pas një denoncimi për zhurmë në një lokal ata në bashkëpunim me njëri – tjetrin, kanë kundërshtuar me dhunë punonjësit e Patrullës së Përgjithshme, për t’i penguar në mbylljen e lokalit.
Tashmë të arrestuarit do të përballen me akuzat për veprat penale “Plagosja e lehtë me dashje e kryer në bashkëpunim”, “Kundërshtimi i punonjësit të Policisë së Rendit Publik” dhe “Goditjet për shkak të detyrës”.