Kryetarja e LSI Monika Kryemadhi shprehet se Rama bashkë me disa ‘antishqiptarë’ të tjerë ka 15 vite që do të arrestoj presidentin Meta.
‘Ka një 15 vjet që do ta arrestoj Rama dhe ca antishqiptar të tjerë. Ka 15 vjet që grupe të caktuara antishqiptare kanë nisur një betejë për Metën, që në kohen kur ai filloi të angazohej në luftën e Kosovës. Prej kohësh ka qenë nën shënjestrën e grupeve antishqiptare në Shqipëri, të cilët në Tiranë hiqen si liberalë’, tha Kryemadhi në emisionin ‘Tempora’.
Më tej, kryetarja e LSI dhe njëherësh bashkëshorte e presidentit shtoi se Metës i është bërë veting në 7 breza dhe ai ka dalë i pastër si kristal, sipas saj.
‘Ilir Metës i kanë bërë vetting, jo vetëm të vetes së tij, por mamas, motrës, e deri në 7 breza. Ilir Meta është kristal se po të kishte probleme nuk do ishte këtu. E ka nisur Fatos Nano por dhe Nanon e nxori jashtë loje’, përmbylli ajo.