Sikurse edhe e dimë, gurabiet janë një ëmbëlsirë e thjeshtë por që përdoret gjerësisht në vendin tonë.
Të gjithë e mbani mend që ëmbëlsira më e preferuar për shumë njerëz që kanë kaluar fëmijërinë përpara viteve 90, kanë qenë pikërisht gurabiet.
Gurabijet me gjalpë janë të thjeshta por me një shije sublime dhe të shkrihen në gojë.
Por si t’i përgatisim ato në ambjente shtëpie?
Përbërësit për 40 gurabije me gjalpë:
500 gramë gjalpë të tretur
600 gramë sheqer pudër
1 kg miell
1 gramë vanilje
Përgatitja e gurabijeve
Ndajmë nga sheqeri pudër 50-100 gramë për ta përdorur për pudrosjen e gurabijeve.
Pjesën tjetër e sitim dhe e hedhim mbi sipërfaqen e tavolinës ku do të punojmë brumin.
Në mes të sheqerit hapim një gropë dhe hedhim gjalpin e tretur.
Me një pirun rrahim pak përbërësit sa të krijohet një masë homogjene.
Anash sheqerit të përzjerë me gjalpë hedhim miellin.
Shtojmë vaniljen dhe i përziejmë përsëri.
Pasi masa të ketë filluar të lidhet e të ketë formuar brumin, fillojmë ta punojmë me duar.
AgroËeb.org ju këshillon që brumin të vazhdoni ta punoni derisa sipërfaqja e tij të jetë e lëmuar.
Brumin e presim në forma sipas dëshirës siç mund të jetë gjysmë hënë ose rrumbullake.
Gurabijat vendosini në një tepsi dhe piqini në furrë në temperaturë rreth 150 C.
Pasi të jenë pjekur dhe ftohur pudrosini me sheqerin pudër.