Këngëtarja e njohur, Ingrid Gjoni, ka zbuluar së fundmi me anë të një videoje të publikuar në rrjetet e saj sociale një prej mbrëmjeve festive të organizuara nga vetë ajo, por njëherazi edhe pamjet luksoze të shtëpisë së saj në Gjirin e Lalzit. Mbrëmjen e kaluar, ajo ka festuar në ambientet e shtëpisë së bashku me familjarët dhe njerëzit më të dashur të saj. Ajo çfarë bie në sy është arredimi perfekt që Gjoni ka zgjedhur.
Nga pamjet e publikuara duket se në shtëpinë e saj mbizotëron ngjyra e bardhë dhe Ingridi është kujdesur që në të, të ketë çdo gjë për të kaluar një ditë ndryshe dhe të veçantë.
Në pjesën e jashtme dallohet pishina argëtuese në këto ditë ku temperaturat kanë arritur majat. Mesa duket Gjoni ka ditur të bëjë zgjedhjet e duhura për një nga ambientet më të dashura për të, që siç ka treguar dhe më parë është kujdesur personalisht për ta mobiluar.
Kujtojmë se këngëtarja ka treguar dhe më parë me anë të videoeve të shumta se organizon shpeshherë festa të ndryshme pranë më të afërmve të sa.