Prej muajsh përdoruesit e segmentit rrugor Burrel-Klos kanë kërkuar ndryshimin e gjendjes. Rruga ishte amortizuar tej çdo standarti. Në pranverën e këtij viti nisën punimet për asfaltimin e 18 kilometrave rrugë nacionale, por ato për shkak të shirave nuk vijuan siç ishte parashikuar.
Javët e fundit pati reagime të shumta të banorëve të Dibrës, Matit e Bulqizës. Ndërkohë Kryeministri Edi Rama gjatë një takimi elektoral në qytetin e Burrelit deklaroi se ndaj subjektit që kishte marrë përsipër rikonstruksionin e rrugës do të kishte penalitete në se segmenti Burrel-Klos nuk përfundon shpejt dhe me cilësi.
Kjo imponoi firmën e ndërtimit të përqëndrojë mjete dhe forca pune dhe të përshpejtojë punimet. Drejtuesit e punimeve shprehen se brenda muajit gusht 2019 rruga do të jetë e asfaltuar brenda standarteve të kërkuara. /tirananews.al/