Letra e shumëkomentuar që shkroi Tupac për Madonnën në vitin 1995 do të dalë në ankand ndonëse mbretëresha e popit është shprehur vazhdimisht kundër një vendimi të tillë. Sipas “Rolling Stones”, letra e ndarjes do të dalë në ankand më 17 korrik duke filluar me një shifër prej 100 mijë dollarësh. Megjithatë, ekspertët thonë se mund të shkojë rreth 200 mijë-300 mijë dollarë.
Madonna e humbi betejën ligjore për të ndaluar daljen e letrës në ankand, një vit më parë. E megjithatë në vitin 2018 mikesha e Tupac, Darlene Lutz nxorri në ankand 22 sende personale, ku përfshiheshin kaseta dhe një krehër, ku gjendeshin qime flokësh të artistes.
Letra e Tupac drejtuar Madonnës:
Të të shohin ty me një burrë me ngjyrë do të ndihmonte të ngriheshe në karrierë, do dukeshe më mendjehapur. Por për mua, do të ishte sikur të hidhja poshtë gjysmën e njerëzve që më bënë këtë që jam. Nuk kam dashur kurrë të të lëndoj. Mund ta kuptosh? Jam rritur shpirtërisht dhe mendërisht. Të lutem të kuptosh pozicionin tim të një djali të ri pa eksperiencë (asokohe Tupac ishte 24 vjeç dhe Madonna 37 vjeç), me një seks simbol ekstremisht të njohur. Jo të gjithë janë aq të ndershëm sa ç’pretendojnë. Ka nga ata që kanë ligësi dhe zili në zemër. Nuk do të hezitonin të të bënin keq, le të jenë 5 plumbat e mi shembull për këtë ( më parë ishte përfshirë në një konflikt) Nuk di sesi ndihesh për të më takuar, por nëse mund ta gjesh në zemër, do të doja të flisja përballë me ty.
